मुक्तक

सोचेजस्तो मुक्तकैले, सरकार कहिल्यै नढल्ने भो

हुँदा हुँदा यता आफ्नै, चुल्हो पनि नबल्ने भो

लखर लखर फूटपाथ डुल्यो, बेलका आयो मुक्तक लेख्यो

यस्तै चालले हो भने त, जिन्दगी नै नचल्ने भो ….                                        ६ २९ २०७३

मुक्तक

कहिल्यै नबुझिने यो सहरको आनीबानी पढिँदैछ ।

समयको हिसाब-किताब, नाफा-नोक्सानी पढिँदैछ ।

आफू त अलि पढन्ते नै मान्छे परियो हेर्नुस् …

आजकल फूटपाथतिर जिन्दगानी पढिँदैछ ।।

२०७३।०६।०७

मुक्तक

wp-final

भविष्यको गोरेटो सोझ्याउने रुलर खोज्दैछु..            अनि वर्तमानलाई तिखार्ने कटर खोज्दैछु..

अलि बढि सताउँदैछन् स्मृतिहरुले आजकल..           तिनै स्मृतिहरु मेट्ने इरेजर खोज्दैछु.. ।।

मुक्तक

तिम्रो घर अगाडिको, बाटो साटो टेकिँदैन

क्याम्पस स्याम्पस, क्याफे स्याफे कतै पनि भेटिँदैन

सधैँ यस्तै किचकिच गर्छौ, निहु मात्रै खोज्छौ भने

अब देखि तिम्रा नाममा, मुक्तक सुक्तक लेखिँदैन  !! 😌 😌

मुक्तक दोहोरी [पोखरा छोड्दै गर्दा]

बन्द थियो मनको ढोका, आई, खोली, आफैँ पसि 

हुँदाहुँदै डेरा जमाई,  सधैँ आफ्नै सुर कसि ……

हेर्नुहोस् न अहिले आएर कस्तो दोधार भयो भने 

आफ्नो हिँड्ने बेला भयो, ऊ चाहिँ यतैतिर बसी !!

बन्द अनि एक्लो मनलाई, सुन्दर बनाकी हुँ ..

अप्ठ्यारो र अँध्यारोमा, हात समाकी हुँ …..

गहभरी आँशु बोकी ओठमा हाँसो देखाउँदै

नचाहेरै बिदाइका, हात हल्लाकी हुँ …..!!

सम्झिएर आउने दिन, न त खाना खान सक्छु ।

जागिर छैन, ब्यापार छैन, न त संगै लान सक्छु ।

कस्ता मोड आउँदा रै’छन् जिन्दगीमा कहिलेकाहिँ 

तिमीलाई एक्लै यता, छोडी न त जान सक्छु ।।

मौका देऊ हाम्रो सुन्दर, घरबार बनाउनेछु ।

तिम्रो सुन्दर सपनालाई, साकार बनाउनेछु ।

मैले पनि सुख चैन, कहाँ खोज्ने छु र ??

तिम्रो न्यानो अंगालोलाई, दरबार बनाउनेछु  । Continue reading

मुक्तक

जब काकाकुल ढुंगाका खोपिल्टाहरु गन्न थाल्छ !!

उता हिमाल लालिगुराँसले रंगिन बन्न थाल्छ !!

हो, त्यहि त हो मेरो प्रिय वसन्त…………

जब कोइली “काफल पाक्यो, काफल पाक्यो” भन्न थाल्छ  !                                                     -२०७०/०२/०६

 

मुक्तक

मलार्इ पनि बाँच्न देउ, बाघ यसै भन्छ

डराउँदै गैंडा अाफैँ, लाेप हुने दिन गन्छ

थाहा छ ? स्वर्गचरी,  पृथ्वीमै बस्छे

प्रकृति जाेगाअाैँ , स्वर्ग यहिँ बन्छ ……