मुक्तक

अनियन्त्रित भई मनले, आफ्नै सुर कसेपछि ..

कता… उडीगयो झन, एउटै  हलमा पसेपछि..

खै के लेखें परिक्षा नि, थाहै नपाई सक्कीएछ….

के-के भयो भयो तिमी, छेउमै आई बसेपछि .. 🙂 

#All_inside_exam_hall

Downloaded from google

Downloaded from Google !

Advertisements

मुक्तक

विद्रोहको आगो बल्दा फूटपाथ तिरै हुन्छु

बिजयको उत्सव चल्दा फूटपाथ तिरै हुन्छु

कुनै वादको अन्धभक्त नहुँदाको परिणाम होला

जुनै सरकार बन्दा / ढल्दा फूटपाथ तिरै हुन्छु                                       ६ १९ २०७३

मुक्तक

छैन राजनीतिको भय, फूटपाथ जिन्दाबाद

तमसोमा ज्योतिर्गमय, फूटपाथ जिन्दाबाद

न कहिल्यै जुहारी खेल्छ, न त सर्टिफिकेट बेच्छ

मेरै विश्वविद्यालय – फूटपाथ जिन्दाबाद                                           ६ २० २०७३

मुक्तक

कहिल्यै नबुझिने यो सहरको आनीबानी पढिँदैछ ।

समयको हिसाब-किताब, नाफा-नोक्सानी पढिँदैछ ।

आफू त अलि पढन्ते नै मान्छे परियो हेर्नुस् …

आजकल फूटपाथतिर जिन्दगानी पढिँदैछ ।।

२०७३।०६।०७

मुक्तक

wp-final

भविष्यको गोरेटो सोझ्याउने रुलर खोज्दैछु..            अनि वर्तमानलाई तिखार्ने कटर खोज्दैछु..

अलि बढि सताउँदैछन् स्मृतिहरुले आजकल..           तिनै स्मृतिहरु मेट्ने इरेजर खोज्दैछु.. ।।

मुक्तक

तिम्रो घर अगाडिको, बाटो साटो टेकिँदैन

क्याम्पस स्याम्पस, क्याफे स्याफे कतै पनि भेटिँदैन

सधैँ यस्तै किचकिच गर्छौ, निहु मात्रै खोज्छौ भने

अब देखि तिम्रा नाममा, मुक्तक सुक्तक लेखिँदैन  !! 😌 😌

मुक्तक दोहोरी [पोखरा छोड्दै गर्दा]

बन्द थियो मनको ढोका, आई, खोली, आफैँ पसि 

हुँदाहुँदै डेरा जमाई,  सधैँ आफ्नै सुर कसि ……

हेर्नुहोस् न अहिले आएर कस्तो दोधार भयो भने 

आफ्नो हिँड्ने बेला भयो, ऊ चाहिँ यतैतिर बसी !!

बन्द अनि एक्लो मनलाई, सुन्दर बनाकी हुँ ..

अप्ठ्यारो र अँध्यारोमा, हात समाकी हुँ …..

गहभरी आँशु बोकी ओठमा हाँसो देखाउँदै

नचाहेरै बिदाइका, हात हल्लाकी हुँ …..!!

सम्झिएर आउने दिन, न त खाना खान सक्छु ।

जागिर छैन, ब्यापार छैन, न त संगै लान सक्छु ।

कस्ता मोड आउँदा रै’छन् जिन्दगीमा कहिलेकाहिँ 

तिमीलाई एक्लै यता, छोडी न त जान सक्छु ।।

मौका देऊ हाम्रो सुन्दर, घरबार बनाउनेछु ।

तिम्रो सुन्दर सपनालाई, साकार बनाउनेछु ।

मैले पनि सुख चैन, कहाँ खोज्ने छु र ??

तिम्रो न्यानो अंगालोलाई, दरबार बनाउनेछु  । Continue reading